گوبر کے اُپلے سے روٹی بنانا کیسا ہے؟

گوبر کے اُپلے سے روٹی بنانا کیسا ہے؟

بِسْمِ اللہِ الرَّحْمٰنِ الرَّحِیْمِ

`اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ`

--------------------------------------------------------------------------------------------------------------------

اُپلوں سے پکائی ہوئی روٹی پاک ہے اور اسے کھانا بھی جائز وحلال ہے کہ اُپلا سوکھ کر پاک ہو جاتا ہے اور جو چیز سوکھنے یا رگڑنے وغیرہ سے پاک ہو گئی، اس کے بعد بھیگ گئی تو ناپاک نہ ہوگی۔

فتاویٰ عالمگیری میں ہے:”السرقين إذا أحرق حتى صار رمادا فعند محمد يحكم بطهارته وعليه الفتوى هكذا في الخلاصة“ (الفتاوى الهندية، كتاب الطهارة، الباب السابع في النجاسة وأحكامها، الفصل الأول في تطهير الأنجاس، صفحة:49، دار الكتب العلمية بيروت)

بہارِ شریعت میں ہے:”اُپلے جلا کر کھانا پکانا جائز ہے۔“ (بہارِ شریعت، نجاستوں کا بیان، جلد:1، حصہ دوم، صفحہ:402، مجلس المدينة العملية دعوت اسلامی)

*اُسی میں  ہے:”اُپلے کا دُھواں روٹی میں لگا تو روٹی ناپاک نہ ہوئی۔“ (بہارِ شریعت، نجاستوں کا بیان، جلد:1، حصہ دوم، صفحہ:394، مجلس المدينة العملية دعوت اسلامی)

جو چیز سوکھنے یا رگڑنے وغیرہ سے پاک ہو گئی، اس کے بعد بھیگ گئی تو ناپاک نہ ہوگی، چنانچہ فتاویٰ عالمگیری میں ہے:”وإذا طهرت الأرض بالجفاف ثم أصابها الماء الصحيح أنها لا تعود نجساً ولو رش عليها الماء وجلس عليها لا بأس به هكذا في فتاوى قاضيخان“ (الفتاوى الهندية، كتاب الطهارة، الباب السابع في النجاسة وأحكامها، الفصل الأول في تطهير الأنجاس، صفحة:49، دار الكتب العلمية بيروت)

واللہ تعالٰی اعلم بالصواب

از قلم: محمد اویس العطاری المصباحی 

----------------------------------------------------------------------------------------------------------------------------------------------------------------------------------------------------------------------------------------

جوتا پہن کر نماز جنازہ پڑھنا کیسا ہے؟  اس مسئلہ کو پڑھنے کے لیے کلک کریں