اُلٹی آنے سے روزہ کب ٹوٹتا ہے۔    

بِسْمِ اللہِ الرَّحْمٰنِ الرَّحِیْمِ

`اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ`

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

روزہ یاد ہونے کے باوجود جان بوجھ کر قے(یعنی اُلٹی) کی اور وہ مُنہ بھر ہو اور اس قے میں کھانا، پانی، کڑوا پانی یا خون آئے تو روزہ ٹوٹ جائے گا۔ بِلا اختیار قے ہوئی اب اگر وہ مُنہ بھر ہے اور اس میں ایک چَنے کے برابر واپس لوٹا دی تو بھی روزہ ٹوٹ جائے گا۔

دُرِّ مُختار میں ہے:”( وإن ذرعه القيء وخرج) ولم يعد ( لا يفطر مطلقاً ملأ أو لا (فإن عاد) بلا صنعه (و) لو (هو ملء الفم مع تذكره للصوم لا يفسد) خلافاً للثانى ( وإن أعاده) أو قدر حمصة منه فأكثر حدادي (أفطر إجماعاً) ولا كفارة (إن ملأ الفم وإلا لا) هو المختار (وإن استقاء) أي طلب القيء (عامداً) أي متذكراً لصومه (إن كان ملء الفم فسد بالإجماع) مطلقاً (وإن أقل لا) عند الثاني وهو الصحيح“ (الدر المختار، کتاب الصوم،باب ما یفسد الصوم وما لا یفسدہ، الجزء الثالث، صفحة:392-393، دار الكتب العلمية، بيروت)

قے کے یہ احکام اُس وقت ہیں جبکہ قے میں کھانا، صفرا یا خون آئے اوربلغم آیا تو مطلقاً روزہ نہ ٹوٹے گا، جیسا کہ فتاویٰ عالمگیری  میں ہے:”و هذا كله إذا كان القيء طَعاماً أو ماء أو مرة فإن كان بلغماً فغير مفسد للصوم“ (الفتاوى الهندية، كتاب الصوم، باب فيما يفسد يفسد وما لا يفسد، الجزء الأول، صفحة:224، دار الكتب العلمية، بيروت)

بہارِ شریعت میں ہے:”قصداً بھر مونھ قے کی اور روزہ دار ہونا یاد ہے تو مطلقاً روزہ جاتا رہا اور اس سے کم کی تو نہیں اور بلا اختیار قے ہوگئی تو بھر مونھ ہے یا نہیں اور بہر تقدیر وہ لوٹ کر حلق میں چلی گئی یا اُس نے خود لوٹائی یا نہ لوٹی، نہ لوٹائی تو اگر بھر مونھ نہ ہو تو روزہ نہ گیا، اگرچہ لوٹ گئی یا اُس نے خود لوٹائی اور بھر مونھ ہے اور اُس نے لوٹائی، اگرچہ اس میں سے صر ف چنے برابر حلق سے اُتری تو روزہ جاتا رہا ورنہ نہیں۔ قے کے یہ احکام اُس وقت ہیں کہ قے میں کھانا آئے یا صفرا یا خون اوربلغم آیا تو مطلقاً روزہ نہ ٹوٹا۔ (بہارِ شریعت، روزہ توڑنے والی چیزوں کا بیان، جلد:1، حصہ:5، صفحہ:988، مجلس المدينة العملية دعوت اسلامی)

والله تعالیٰ اعلم بالصواب

از قلم: محمد اویس العطاری المصباحی

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عورت امام بن سکتی ہے یا نہیں ،اگر بن سکتی ہے تو کن کن میں ،اور اگر نہیں بن سکتی تو کن کن صورتوں میں ،فرض سنت نفل نمازوں میں؟  پورا مسئلہ پڑھیں پڑھنے کے لیے 

👉یہاں کلک کریں 👈